Ukraynada koronavirusa yoluxanların sayı 71 mini, ölənlər isə 1700-ü ötüb
Kiyev, 1 avqust, AZƏRTAC
Ukraynada son sutkada koronavirusa yoluxma hallarında artım qeydə alınıb.
AZƏRTAC Ukrayna Səhiyyə Nazirliyinə istinadla xəbər verir ki, Ukraynada son sutkada 1172 nəfər koronavirusa yoluxub, 16 nəfər isə dünyasını dəyişib.
Ən çox yoluxma Kiyev, İvano-Frankovsk və Lvov vilayətlərində qeydə alınıb. Bununla da ölkədə koronavirusa yoluxanların sayı 71 min 56 nəfərə çatıb. Virusdan ölənlərin ümumi sayı 1709 nəfərdir, 39 min 308 xəstə sağalaraq evə buraxılıb.
Qeyd edək ki, Ukraynada koronavirusla bağlı vəziyyət pisləşdiyindən karantin müddəti avqustun 31-dək uzadılıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
