Ukraynalı ekspert: Ermənistanın Azərbaycana qarşı törədilən müharibə cinayətlərinə lazımi diqqət yetirilmir
Bakı, 19 oktyabr, AZƏRTAC
Ermənistanın Azərbaycana qarşı törədilən müharibə cinayətlərinə lazımi diqqət yetirilmir. Azərbaycan daha çox cinayət törədən tərəf, Ermənistan isə qurban kimi göstərilir. Dörd minə yaxın Azərbaycan vətəndaşının itkin düşdüyü faktdır. Qərb ölkələrində bunu az insan bilir.
AZƏRTAC xəbər verir ki, bunu ukraynalı politoloq, Henri Cekson Cəmiyyətinin elmi işçisi Taras Kuzio oktyabrın 19-da “Azərbaycana qarşı müharibə cinayətləri” mövzusunda hibrid formatda keçirilən seminarda çıxış edərkən deyib.
“Qərb ölkələri Ukraynada olanlara dərhal reaksiya verir. Lakin müsəlman ölkəsi olan Azərbaycanda yaşanan müharibə cinayətlərinə reaksiya vermirlər. İstər Birinci Qarabağ müharibəsində, istərsə də İkinci Qarabağ müharibəsində qanunların pozulması, mülki əhalinin öldürülməsi halları baş verib”, - deyə T.Kuzio qeyd edib.
Bölmənin digər xəbərləri
