Ukraynanın Ali Radası Baş Nazir Vladimir Qroysmanın istefasını qəbul etməyib
Kiyev, 30 may, AZƏRTAC
Ukraynanın Ali Radası Baş Nazir Vladimir Qroysmanın istefasını qəbul etməyib.
AZƏRTAC xəbər verir ki, Ali Radanın bu gün keçirilən iclasında Baş Nazirin istefasının lehinə 97, əleyhinə 63 deputat səs verib. Əlli nəfər isə bitərəf qalıb.
Qeyd edək ki, mayın 20-da Prezident Vladimir Zelenski andiçmə mərasimində hökumət üzvlərini istefaya çağırmışdı. Qroysman bundan sonra istefa verdiyini açıqlamış və bunun baxılması üçün ərizəni Ali Radaya təqdim etmişdi.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
