Ulu Öndər böyük xilaskarlıq missiyasını yerinə yetirməklə xalqımızın sevgisini qazanıb
Bakı, 10 may, AZƏRTAC
Ulu öndər Heydər Əliyev hər bir azərbaycanlının yaddaşında müdrik və uzaqgörən rəhbər, sadə və təvazökar insan kimi yaşayacaq. O, hər şeydən əvvəl, dünya şöhrətli siyasətçi və dövlət xadimi idi. Ümummilli Lider ölkəmizin ən ağır məqamlarında cəsarət nümayiş etdirərək müstəqillik naminə addımlar atıb, böyük xilaskarlıq missiyasını yerinə yetirməklə xalqımızın sevgisini qazanıb. Buna görə Heydər Əliyevin anadan olmasının 95-ci ildönümündə bu dahi insanın xatirəsini anmağı özümə borc bildim.
Bu sözləri AZƏRTAC-a müsahibəsində Ümummilli Liderin məzarını ziyarət etmək üçün mayın 10-da Fəxri xiyabana gələn paytaxt sakini Mirsüleyman Fəttahov deyib.
Müdrik rəhbər Heydər Əliyevin qurub yaratdığı müasir müstəqil Azərbaycanın sürətlə inkişaf etdiyini vurğulayan M.Fəttahov Ulu Öndərə tükənməz ümumxalq sevgisinin olduğunu, xalqımızın onu həmişə minnətdarlıq duyğusu ilə xatırladığını söyləyib.
Bölmənin digər xəbərləri
