MƏDƏNİYYƏT
Ümummilli Lider Heydər Əliyevin xatirəsinə ehtiram
![](/files/galleryphoto/2022/3/1200x630/167085973076430022_1200x630.jpg)
![](/files/galleryphoto/2022/3/1200x630/16708597314865129921_1200x630.jpg)
![](/files/galleryphoto/2022/3/1200x630/16708597316407759548_1200x630.jpg)
![](/files/galleryphoto/2022/3/1200x630/16708597311268942528_1200x630.jpg)
![](/files/galleryphoto/2022/3/1200x630/16708597325863259506_1200x630.jpg)
![](/files/galleryphoto/2022/3/1200x630/1670859732474764732_1200x630.jpg)
![](/files/galleryphoto/2022/3/1200x630/1670859732299683486_1200x630.jpg)
![](/files/galleryphoto/2022/3/1200x630/16708597334116013545_1200x630.jpg)
Bakı, 12 dekabr, AZƏRTAC
Dekabrın 12-də Respublika Uşaq Kitabxanasında Ümummilli Lider Heydər Əliyevin anım günü münasibətilə tədbir keçirilib.
Kitabxanadan AZƏRTAC-a bildirilib ki, tədbir Ulu Öndər Heydər Əliyevin əziz xatirəsinin bir dəqiqəlik sükutla yad edilməsi ilə başlayıb.
F.Köçərli adına Respublika Uşaq Kitabxanasının direktoru Şəhla Qəmbərova bildirib ki, dahi şəxsiyyət Heydər Əliyevin Azərbaycana qayıdışının başlıca qayəsini müstəqillik, azərbaycançılıq, dövlətçilik, demokratiya, milli tərəqqi, dünyəvilik kimi ümumbəşəri dəyərlər təşkil edib: “Hər bir xalqın milli azadlıq və istiqlaliyyət tarixində xilaskar rolunu oynayan dahi insanlar var. Həmin dahilər öz qətiyyətlərilə mənsub olduqları xalqı arxasınca aparıb, ən taleyüklü məqamlarda qalib olmuşlar. Azərbaycan xalqının Ümummilli Lideri Heydər Əliyev müasir dünya tarixinə parlaq və silinməz iz qoymuş böyük şəxsiyyət, qeyri-adi zəka, fitri istedad sahibi, müdrik dövlət xadimi kimi düşüb. Bu gün ölkəmiz bu siyasətin uğurlarını hiss edir, onunla yaşayır və faydalanır”.
Tədbirdə Ümummilli Lider Heydər Əliyevə həsr olunmuş videoçarx nümayiş olunub.
Sonda Ulu Öndər Heydər Əliyevin həyat və fəaliyyətinin müxtəlif mərhələlərini əks etdirən kitab sərgisinə baxış keçirilib.