UNİVERSİTET ŞƏHƏRCİYİNDƏ YENİ İDMAN KOMPLEKSİ İNŞA EDİLİR
İnşası “Ucar” LTD şirkəti tərəfindən həyata keçirilən kompleks əl oyunları və idmanın digər növləri üzrə yarışlar üçün nəzərdə tutulmuşdur. 180 nəfərlik tamaşaçı salonu idman meydançasına münasib qurulur.
İkimərtəbəli idman kompleksinin birinci mərtəbəsində bufet və idman ləvazimatı satışı mağazası, ikinci mərtəbədə isə geniş foye və istirahət guşəsi olacaqdır. Binanın zirzəmi hissəsində isə idman dərsləri keçiriləcəkdir.
Yeni tədris ilinədək istifadəyə verilməsi nəzərdə tutulan idman kompleksi universitetin bədən tərbiyəsi və hərbi-hazırlıq ixtisasları üzrə təhsil alan 300 nəfərdən çox tələbəsinə layiqli hədiyyə olacaqdır.
