“VikiHərəkat”ın ali təhsil müəssisələrində təqdimatı keçiriləcəkdir
Bakı, 13 noyabr (AZƏRTAC). Rabitə və İnformasiya Texnologiyaları Nazirliyinin (RİTN) dəstəyi ilə Azərbaycan Gənc Tərcüməçilər Assosiasiyası tərəfindən həyata keçirilən “VikiHərəkat” layihəsi üzrə növbəti mərhələyə başlanılmışdır.
Nazirliyin mətbuat xidmətindən AZƏRTAC-a bildirmişlər ki, noyabrın 14-dən etibarən ali təhsil müəssisələrində layihənin təqdimatı olacaqdır .
Təqdimatlarda layihənin məqsədi, vəzifələri, hərəkata qoşulma qaydaları ilə yanaşı, “Viki” texnologiyaları, o cümlədən “Vikipediya” -onlayn ensiklopediyası barədə məlumat veriləcək, onun əhəmiyyəti və ensiklopediyada iştirak qaydaları haqqında danışılacaqdır. Bundan əlavə, təqdimat zamanı “Vikipediya”da məqalələrin yerləşdirilməsi, redaktəsi, şəkillərin, mənbələrin, keçidlərin yerləşdirilməsi əyani şəkildə nümayiş olunacaqdır.
Bölmənin digər xəbərləri
