Volodimir Zelenski: ABŞ Ukraynanın zədələnmiş energetika sisteminin bərpasına kömək etməyə hazırdır
Kiyev, 17 oktyabr, AZƏRTAC
Ukrayna Prezidenti Volodimir Zelenski ABŞ-ın energetika naziri Kris Raytla görüşüb. Tərəflər Ukrayna enerji sisteminə dəstək və potensial birgə layihələri müzakirə ediblər.
AZƏRTAC xəbər verir ki, bu barədə Zelenskinin “Telegram” kanalında paylaşımında deyilir.
“ABŞ-ın energetika naziri Kris Raytla görüşdə biz enerji imkanlarını və energetika sektorunda tərəfdaşlıq üçün potensial layihələri ətraflı müzakirə etdik”, -deyə Ukrayna Prezidenti bildirib.
Zelenski Rusiyanın Ukraynanın enerji sisteminə zərbələri və zədələnmiş obyektlərin tez bir zamanda bərpası zərurəti barədə Raytı məlumatlandırıb.
“Enerji sistemimizin işləməsi üçün bütün lazımi yardımı göstərməyə hazır olduğunuza görə sizə təşəkkür edirik. Ukrayna ilə ABŞ arasında əməkdaşlığın inkişafı, xüsusən də Amerika bizneslərinin Ukraynada mövcudluğunun genişləndirilməsi bizim üçün vacibdir”, -deyə Ukraynanın dövlət başçısı qeyd edib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
