Azərbaycan və İndoneziya birgə iqtisadi forum keçirə bilər
Bakı, 10 avqust, AZƏRTAC
Azərbaycan və İndoneziya arasında gələcəkdə iqtisadi forumun keçirilməsi imkanları müzakirə olunub.
İxracın və İnvestisiyaların Təşviqi Agentliyindən (AZPROMO) AZƏRTAC-a bildirilib ki, İndoneziyanın Azərbaycandakı səfiri Berlian Helmi ilə keçirilən görüş zamanı AZPROMO-nun icraçı direktoru Yusif Abdullayev agentliyin fəaliyyəti, sahibkarlara göstərilən dəstək tədbirləri, ixracın və investisiyaların təşviqi mexanizmləri barədə məlumat verib. Səfir Azərbaycanla İndoneziya arasında iqtisadi, ticarət və investisiya əlaqələrinin gücləndirilməsində maraqlı olduqlarını bildirib.
Görüşdə Azərbaycan və İndoneziya arasında mümkün əməkdaşlıq istiqamətləri, ixrac potensialına malik məhsullar və gələcəkdə iqtisadi forumun keçirilməsi imkanları ətrafında fikir mübadiləsi aparılıb.
Tərəflər tikinti, kənd təsərrüfatı, turizm, əczaçılıq, qida və içki sənayesi sahələrində potensial tərəfdaşlıq imkanlarını nəzərdən keçiriblər.
Bölmənin digər xəbərləri
