İlin əvvəlindən dövlət qurumlarına qarşı 518 kiberhücum indikatoru müəyyən edilib
Bakı, 10 avqust, AZƏRTAC
Bu ilin yanvar-iyul aylarında dövlət qurumlarına qarşı 518 kiberhücum indikatoru (IOC) müəyyən edilərək bloklanıb.
AZƏRTAC Xüsusi Rabitə və İnformasiya Təhlükəsizliyi Dövlət Xidməti (XRİTDX) nəzdində Kompüter İnsidentlərinə Qarşı Mübarizə Mərkəzinə (Dövlət CERT-i) istinadla xəbər verir ki, bu göstərici ötən ilin eyni dövrü ilə müqayisədə 9,6 faiz azdır.
Hesabat dövründə müəyyən edilən kiberhücum indikatorlarının bir hissəsi daxili araşdırmalar, digər hissəsi isə dövlət qurumlarından daxil olmuş insidentlərin araşdırılması əsasında müəyyən olunaraq bloklanıb.
Təkcə iyul ayında 61 kiberhücum indikatoru müəyyən edilib. Bu, ötən ilin eyni ayı ilə müqayisədə 11,6 faiz azdır.
Qeyd edək ki, 2025-ci il ərzində dövlət qurumlarına qarşı 850 kiberhücum indikatoru müəyyən edilib. Onların 372-si daxili araşdırmalar, 478-i isə dövlət qurumlarından daxil olmuş insidentlərin araşdırılması əsasında müəyyən olunaraq bloklanıb.
Bölmənin digər xəbərləri
