Vüsal Hüseynov: Ötən il ölkəmizə gələn əcnəbilərin sayı 6 faiz artıb VİDEO
Bakı, 11 yanvar, AZƏRTAC
Ötən il 2 milyon 845 min 697 əcnəbinin və vətəndaşlığı olmayan şəxsin ölkəmizə daxil olduğu qeydə alınıb. 2017-ci ilin müvafiq dövründə bu rəqəm 2 milyon 692 min 219 nəfər olub. Bu da ölkəyə gələn əcnəbilərin sayında 6 faiz artım olduğunu göstərir.
AZƏRTAC xəbər verir ki, bunu DMX-nin 2018-ci ildəki fəaliyyətinə həsr olunmuş mətbuat konfransında Xidmətin rəisi Vüsal Hüseynov deyib.
Xidmət rəisi qeyd edib ki, hesabat dövründə 740 min 841 əcnəbi və vətəndaşlığı olmayan şəxs olduğu yer üzrə qeydiyyata alınıb. 2017-cı ilin müvafiq dövründə bu rəqəm 749 min 732 nəfər olub.
Bölmənin digər xəbərləri
