Vyetnam Sinqapurun uğurunu təkrar etməyə ümid bəsləyir
Bakı, 24 sentyabr, AZƏRTAC
2020-ci ilin aprelində ilk dəfə Formula 1 Vyetnam Qran-Prisi keçiriləcək. Təşkilatçılar ümid bəsləyirlər ki, Hanoy yürüşü Sinqapur yürüşü qədər uğurlu və populyar olacaq.
AZƏRTAC xəbər verir ki, “Vietnam Grand Prix Corporation”in icraçı direktoru Le Nqok Çi deyib: “Vyetnam Formula 1-də lap vaxtında debüt edir. İqtisadiyyatımızın inkişafı, ənənələrimiz, mədəniyyətimiz, mətbəximiz və insanlarımız nəzərə alınsa, vaxt ideal seçilib.
Vyetnam Formula 1-ə bir il üçün gəlmir. Qran-Prinin uğurlu olması üçün müntəzəm yürüşlər keçirməlidir. Uğur əldə edə bilməmiş promouterlərin nümunəsində biz necə etməməyi başa düşmüşük. Biz fəxr edirik ki, Formula 1 mərhələsini keçirməyi bizə etibar ediblər və yürüşümüzün uğurlu olmasına görə məsuliyyət daşıyırıq.
Biz dünyaya göstərmək istəyirik ki, Vyetnam dünya səviyyəli idman tədbiri təşkil edə bilər. Biz dünyaya göstərmək istəyirik ki, Vyetnam sadəcə müharibədən çıxmış ölkə deyildir. Biz inkişaf edirik və sürətli addımlarla irəliləyirik. Biz Asiyanın yeni əjdahasıyıq”.
Bölmənin digər xəbərləri
