XALQ MAHNILARININ GÖZƏL İFAÇISI
“İrs” beynəlxalq jurnalının təşəbbüsü ilə Vahid poeziya evində Azərbaycan Dövlət Mədəniyyət və İncəsənət Universitetinin dosenti, istedadlı müğənni Yaqut Abdullayevanın səhnə fəaliyyətinin 25 illiyinə həsr olunmuş ədəbi-bədii gecə keçirilmişdir.
Universitetdən AZƏRTAC-ın müxbirinə demişlər ki, poeziya evinin direktoru Şahin Verdiyev, xalq artistləri Habil Əliyev, Arif Babayev, Canəli Əkbərov, Azərbaycan MEA-nın müxbir üzvü, professor Tofiq Hacıyev və başqaları gecədə çıxış edərək, musiqi sənətimizdə öz dəst-xətti ilə seçilən, yüksək səhnə mədəniyyəti, məlahətli səsi, gözəl ifa tərzi ilə dinləyicilərin məhəbbətini qazanmış Yaqut Abdullayevanın sənətkarlığından, pedaqoji fəaliyyətindən danışmış, müğənniyə yaradıcılıq uğurları arzulamışlar.
Yaqut Abdullayeva tədbirin təşkilatçılarına və iştirakçılarına minnətdarlığını bildirmiş, ansamblın müşayiəti ilə xalq mahnıları, təsnif və muğamlar oxumuşdur.
Bölmənin digər xəbərləri
