XARİCİ DİLLƏRİN ÖYRƏNİLMƏSİ BEYİNDƏ NEYRONLARIN ARTMASINA SƏBƏB OLUR
AZƏRTAC xəbər verir ki, Bi-Bi-Si-nin yaydığı məlumata görə, Britaniya alimləri müəyyən etmişlər ki, xarici dillərin öyrənilməsi beyində boz maddənin artmasına səbəb olur. Tədqiqatda ingilis və italyan dillərində danışan 58 könüllü iştirak etmişdir (onlardan 25-i hər iki dili uşaqlıqdan, 33-ü isə ikinci dili yetkin yaşlarında öyrənmişdir). Yalnız bir dildə danışan 25 nəfər də cəlb olunmuşdur.
Alimlər skanerlər vasitəsilə beyində boz maddənin (neyronların) sıxlığını müəyyən etmişlər. Məlum olmuşdur ki, fiziki hərəkətlər əzələləri inkişaf etdirdiyi kimi, müxtəlif dillərin öyrənilməsi də bu maddənin sıxlığını dəyişdirir. Xarici dili uşaqlıqdan öyrənənlərdə boz maddənin daha sıx olduğu müşahidə edilmişdir.
Bölmənin digər xəbərləri
