XARİCİ İŞLƏR NAZİRLƏRİ BƏYANNAMƏ QƏBUL ETDİLƏR
İslam Konfransı Təşkilatının \İKT\ üzvü olan ölkələrin xarici işlər nazirlərinin Malayziyanın paytaxtında keçirilən terrorizmə dair xüsusi görüşü “Kuala-lumpur bəyannaməsi”nin qəbul edilməsi ilə başa çatmışdır. Sənəddə müsəlman dövlətlərinin terror təhlükəsi ilə birgə mübarizə aparmaq qətiyyəti və ötən iı sentyabrın 11-də Nyu-York və Vaşinqtonda terrorçuluq aktlarından sonra bütövlükdə hadisələrin müsəlmanlar və islam aləmi üçün təhlükəli inkişafına kollektiv surətdə cavab vermək cəhdi öz əksini tapmışdır.
Görüş iştirakçılarının qəbul etdikləri fəaliyyət planında ABŞ-da terrorçuluq aktlarının mənfi nəticələrini aradan qaldırmaq üçün birgə tədbirlər hazırlanması və terrorizmlə mübarizədə İKT üzvlərinin qarşılıqlı fəaliyyətinin əlaqələndirilməsi üzrə xüsusi komissiya təsis etmək qərara alınmışdır.
İTAR-TASS-ın yaydığı məlumata görə, konfransa sədrlik edən Malayziyanın xarici işlər naziri Seyid Həmid Əlbər foruma yekun vuraraq bildirmişdir ki, islam ölkələri “terrorizmin bütün forma və təzahürlərini, o cümlədən beynəlxalq sülhə və təhlükəsizliyə ciddi qorxu törədən dövlət terrorizmini pisləmişdir.
O, demişdir ki, dünyanın 50-dən artıq müsəlman dövlətinin təmsil edildiyi bu görüşün iştirakçıları yekdilliklə terrorizmi qlobal problem kimi səciyyələndirmiş və BMT çərçivəsində beynəlxalq səviyyədə ona qarşı birgə tədbirlər həyata keçirmək fikrində olduqqlarını bildirmişlər.
Bölmənin digər xəbərləri
