XƏZƏR DƏNİZ NEFT DONANMASI ÖTƏN İLİ UĞURLA YEKUNLAŞDIRMIŞDIR
Bakı, 21 fevral (AZƏRTAC). Azərbaycan Respublikası Dövlət Neft Şirkətinin mətbuat xidmətindən bildirmişlər ki, 2008-ci il Xəzər Dəniz Neft Donanması üçün uğurlu olmuşdur.
Ümumi yükdaşımalar üzrə proqnoz 127,5 faiz yerinə yetirilmişdir. İl ərzində bu işlərin həcmi 573 min 585 ton təşkil etmişdir. Bu da nəzərdə tutulduğundan 123 min 585 ton artıqdır. Xəzər Dəniz Neft Donanmasının ümumi gəlir proqnozu 115,3 faiz yerinə yetirilmişdir. O cümlədən, dəniz nəqliyyatı xidmətindən əldə olunan gəlir 90 milyon 806 min 151 manat əvəzinə 105 milyon 717 min 513 manat olmuş və ya 116,4 faiz təşkil etmişdir. 2007-ci illə müqayisədə 2008-ci ildə donanma üzrə gəlir 43 milyon 894 milyon 537 manat artmışdır.
Ötən il Xəzər Dəniz Neft Donanmasının 87 gəmisində təmir işləri başa çatdırılmış, 32 gəminin təmiri isə davam etməkdədir. 2008-ci ildə Donanmanın müəssisələrində 15 milyon 251 min 409 manat dəyərində gəmi təmiri işləri görülmüşdür.
Bölmənin digər xəbərləri
