XƏZƏR DƏNİZİNDƏ 3,5 BAL GÜCÜNDƏ ZƏLZƏLƏ OLMUŞDUR
Milli Elmlər Akademiyasının Respublika Seysmoloji Xidmət Mərkəzindən AZƏRTAC-a daxil olmuş məlumatda deyilir ki, iyulun 26-da saat 04.59-da Bakı şəhərindən 66 kilometr cənub-şərqdə, Xəzər dənizində 12 ballıq cədvəl üzrə 3,5 bal gücündə zəlzələ baş vermişdir. Zəlzələ Abşeron yarımadasının cənub-şərq sahilboyu yaşayış məntəqələrində 2 bala qədər hiss edilmişdir. İnsan təlafatı və heç bir dağıntı qeydə alınmamışdır.
