XƏZƏR İNTEQRASİYA İŞGÜZAR KLUBUNUN NÖVBƏTİ YIĞINCAĞI OLMUŞDUR
Tədbirdə Azərbaycanda informasiya texnologiyaları sahəsinın inkişafından, mövcud problemlərdən, qarşılıqlı tərcübə mübadiləsindən, işgüzar əlaqələrin yaradılmasından danışılmış, Xəzər-Qara dəniz regionunda kommunikasiyanın vəziyyəti açıqlanmışdır.
Nazirlər Kabinetinin, rabitə və informasiya texnologiyaları, iqtisadi inkişaf nazirliklərinin, müvafiq idarə, dövlət və qeyri-dövlət təşkilatları nümayəndələrinin, eləcə də klub üzvlərinin iştirak etdiyi yığıncaqda iqtisadiyyatımızın mühüm sahəsi olan rabitənin bir ildəki inkişafından danışılmışdır. Bildirilmişdir ki, son dövrdə həyatımızın əksər sahələrində telekommunikasiya vasitələrindən istifadənin genişlənməsi bu sahənin inkişafına böyük tələbat yaratmışdır.
Klubun prezidenti Telman Əliyev qurumun yaranmasında və onun beynəlxalq status almasında Prezident İlham Əliyevin xüsusi xidməti olduğunu söyləmiş və vurğulamışdır ki, bu ildən etibarən onlar beynəlxalq tədbirlərdə də iştirak edəcəklər.
Tədbirdə klubun yeni üzvlərinə sertifikatlar təqdim olunmuş, həmçinin idarə heyəti seçilmişdir.
Sonda klub üzvlərini, eləcə də KİV nümayəndələrini maraqlandıran suallara cavab verilmişdir.
Bölmənin digər xəbərləri
