XƏZƏRƏ 40 MİNƏ YAXIN QIZILBALIQ KÖRPƏSİ BURAXILMIŞDIR
Departamentdən AZƏRTAC-a bildirmişlər ki, bu körpələr keçən ilin noyabr-dekabr aylarında Qəbələ və Çaykənd Qızılbalıq zavodlarından gətirilmişdi. Onlar ötən müddət ərzində dənizdə qurulmuş tor qəfəslərdə yetişdirilmiş və hər birinin çəkisi 10-12 qramdan 50-60 qrama çatdırıldıqdan sonra Qaradağ rayonunun Sahil qəsəbəsindəki Azərbaycan təcrübi dəniz balıqartırma zavodunda dəniz mühitinə uyğunlaşdırılmışdır.
Aprelin 20-də keçirilmiş baxış zamanı müəyyən edilmişdir ki, 40 min balıq körpəsinin təxminən 90 faizi (37 mini) keçid mərhələsinə çatmış və gümüşü rəng almışdır. Məhz bu əlamət onların dənizə buraxılmasına əsas yaratmışdır.
Bölmənin digər xəbərləri
