XİN PREZİDENT SEÇKİLƏRİNİ İZLƏMƏK ÜÇÜN AZƏRBAYCANA BEYNƏLXALQ MÜŞAHİDƏÇİLƏR DƏVƏT EDƏCƏKDİR
Azərbaycanın Xarici İşlər Nazirliyi oktyabrın 15-də keçiriləcək prezident seçkilərini müşahidə etmək üçün beynəlxalq təşkilatlardan nümayəndələr dəvət edəcəkdir.
AZƏRTAC xəbər verir ki, bu sözləri nazirliyin mətbuat xidmətinin rəhbəri Xəzər İbrahim avqustun 4-də keçirdiyi mətbuat konfransında demişdir. X.İbrahim qeyd etmişdir ki, Azərbaycan dövləti öz ənənəsinə sadiq qalaraq bu seçkilərin də demokratik, azad və şəffaf keçirilməsində, eləcə də prosesin beynəlxalq müşahidəçilər tərəfindən izlənməsində maraqlıdır.
Hazırda müşahidəçilərin dəvəti ilə bağlı prosedur qaydalar işlənir. Yaxın günlərdə nüfuzlu beynəlxalq qurumlara dəvətnamələr göndəriləcəkdir.
Bölmənin digər xəbərləri
