Xocalı şəhidlərinin xatirəsi əbədi yaşayacaqdır
Bakı, 26 fevral (AZƏRTAC). Odlar Yurdu Universitetində (OYU) Xocalı soyqırımının 22-ci ildönümü ilə bağlı mərasim keçirilmişdir.
OYU-dan AZƏRTAC-a bildirmişlər ki, universitetin professor-müəllim heyətinin və tələbələrin iştirak etdikləri mərasimdə əvvəlcə Xocalı şəhidlərinin əziz xatirəsi bir dəqiqəlik sükutla yad edilmişdir.
Universitetin birinci prorektoru, professor Samir Vəliyev XX əsrin ən dəhşətli faciələrindən biri haqqında geniş məruzə ilə çıxış etmişdir.
Sonra bu ali təhsil ocağının tələbələrinin hazırladıqları Xocalı soyqırımına həsr edilmiş “Bir ovuc kül” adlı tamaşa-kompozisiya təqdim olunmuşdur.
Bölmənin digər xəbərləri
