Xocalı soyqırımı ilə bağlı həqiqətlər dünyaya yayılır
Bakı, 26 fevral (AZƏRTAC). “Qafqaz Media” İctimai Birliyində Xocalı faciəsinin 22-ci ildönümü ilə bağlı anma tədbiri keçirilmişdir.
AZƏRTAC xəbər verir ki, tədbir iştirakçıları faciə qurbanlarının xatirəsini bir dəqiqəlik sükutla yad etmişlər.
İctimai Birliyin sədri Azadə Hüseynova 200 ildən artıq bir müddətdə Ermənistanın Azərbaycana qarşı həyata keçirdiyi terror və işğalçılıq siyasəti barədə məlumat vermiş, Xocalı soyqırımının da bu siyasətin davamı olduğunu bildirmişdir.
Xalq artistləri Ceyran Haşımova, Məleykə Əsədova, əməkdar artistlər Mehriban Xanlarova, Firuzə İbadova, Xocalıda şəhid olanların ailə üzvləri və digər çıxış edənlər Heydər Əliyev Fondunun təşəbbüsü ilə həyata keçirilən tədbirlər nəticəsində artıq Xocalı ilə bağlı həqiqətlərin dünyaya yayıldığını vurğulamışlar.
Sonda Xocalı şəhidlərinin ruhuna dualar oxunmuş, ehsan verilmişdir.
Bölmənin digər xəbərləri
