Xocalı soyqırımı insanlığa qarşı qanlı cinayətdir
Bakı, 26 fevral (AZƏRTAC). Fevralın 26-da Azərbaycan Milli Elmlər Akademiyasının (AMEA) Geologiya İnstitutunda Xocalı faciəsinin 22-ci ildönümü ilə bağlı anma mərasimi keçirilmişdir.
Akademiyadan AZƏRTAC-a bildirmişlər ki, əvvəlcə soyqırımı qurbanlarının xatirəsi bir dəqiqəlik sükutla yad edilmişdir.
Gənc Alim və Mütəxəssislər Şurasının sədri, geologiya-mineralogiya üzrə fəlsəfə doktoru Orxan Abbasov Azərbaycan xalqının XX əsrdə üzləşdiyi dəhşətli faciələrdən biri olan Xocalı soyqırımının köklərinin əslində daha keçmişə getdiyini vurğulamış, ermənilərin əsrlər boyu türklərə nifrət bəslədiklərini bildirmişdir. Xocalı şəhərinin bir gecənin içində yer üzündən tamamilə silindiyini təəssüf hissi ilə deyən O.Abbasov qeyd etmişdir ki, faciənin miqyası son dərəcə böyük və dəhşətli olmasına baxmayaraq, indiyədək beynəlxalq ictimaiyyət bu hadisəyə hüquqi qiymət verməmiş, cinayətkarlar öz layiqli cəzalarını almamışlar.
AMEA-nın Mərkəzi Elmi Kitabxanasının əməkdaşı Günay Allahverdiyeva bildirmişdir ki, 1992-ci il fevralın 25-dən 26-na keçən gecə aralarında uşaqlar, qadınlar və qocalar olmaqla 613 nəfər dinc insanı qəddarcasına öldürən, 1275 nəfəri əsir və girov götürən erməni quldurlarInIn bu vəhşiliyi insanlığa qarşı qanlı cinayətdir. Nahaq qan yerdə qalmayacaq, cinayətkarlar gec-tez öz cəzalarına çatacaqlar.
Geologiya İnstitutunun əməkdaşı, şair-publisist Elşad Barat Xocalı soyqırımının daim gündəmdə saxlanmasının vacibliyini qeyd etmişdir.
Bölmənin digər xəbərləri
