Xocalı soyqırımı müharibə zamanı ermənilərin dinc əhaliyə qarşı törətdikləri ən dəhşətli aktdır
Brüssel, 26 fevral (AZƏRTAC). Azərbaycanın Belçikadakı səfiri, Avropa İttifaqı yanında daimi nümayəndəliyin rəhbəri Fuad İsgəndərov bu ölkənin “Gold FM” radiosunun canlı efirində Xocalı faciəsindən danışmışdır. Səfir hər il fevralın 26-da dünyanın müxtəlif ölkələrində Azərbaycan diaspor təşkilatlarının bu günlə bağlı müxtəlif tədbirlər təşkil etdiklərini söyləmişdir.
Səfir Pakistan, Meksika, Kolumbiya, Çexiya, Honduras və başqa ölkələrin parlamentlərinin, eyni zamanda ABŞ-ın bəzi ştatlarının Xocalı faciəsi ilə bağlı qərar və qətnamələr qəbul etdiyini demiş və bu prosesin davamlı olacağına əminliyini bildirmişdir.
F.İsgəndərov Xocalı faciəsinin Ermənistan-Azərbaycan, Dağlıq Qarabağ münaqişəsinin ən qanlı hadisəsi olduğunu vurğulamışdır. O, Xocalı soyqırımını müharibə zamanı ermənilərin dinc əhaliyə qarşı törətdikləri ən dəhşətli akt kimi qiymətləndirmişdir.
Diplomat, həmçinin Azərbaycan-Belçika, Azərbaycan-Avropa İttifaqı münasibətləri, eyni zamanda, regionda həyata keçirilən enerji layihələri ilə bağlı sualları cavablandırmışdır.
Vüqar Seyidov
AZƏRTAC-ın xüsusi müxbiri
Brüssel
Bölmənin digər xəbərləri
