YANĞIN EV SAHİBİNİN HƏYATINA SON QOYMUŞDUR
Baş Dövlət Yanğın Təhlükəsizliyi İdarəsinin ictimaiyyətlə əlaqələr mərkəzindən AZƏRTAC-a verilən məlumata görə, Sabirabadın Muğam prospektindəki 5-ci dalanda Ağayar Rüstəmova məxsus evin iki otağı əşyaları ilə birlikdə yanmışdır. Yanğın söndürüldükdən sonra ev sahibinin meyiti aşkar edilmişdir. Hadisə zamanı evdə olan Şüşə və Gülər Rüstəmovalar yanğınsöndürənlər tərəfindən xilas edilmişlər.
Hadisə ilə bağlı təhqiqat aparılır, dəyən ziyanın həcmi müəyyənləşdirilir.
