YANĞINSÖNDÜRƏNLƏRİN PEŞƏ BAYRAMI MÜNASİBƏTİLƏ TƏNTƏNƏLİ YIĞINCAQ KEÇİRİLMİŞDİR
Daxili İşlər Nazirliyinin idarə rəisi, polis polkovniki Mehman Mehmanov, Baş Dövlət Yanğın Təhlükəsizliyi İdarəsinin rəisi, daxili xidmət general-mayoru Murad Hüseynov yanğın təhlükəsizliyi xidmətinin fəaliyyətindən danışaraq bildirmişlər ki, 10 oktyabr yanğınsöndürənlərimiz üçün olduqca əlamətdar gündür. Ümummilli liderimiz Heydər Əliyevin yanğınsöndürənlərin peşə bayramı gününün təsis edilməsi haqqında sərəncamı bütövlükdə xidmətə verilən ən böyük qiymətdir. Bu gün Azərbaycan yanğınsöndürənlərinin fəaliyyəti üçün yaradılmış şərait, xidmət sahələrinin sürətlə inkişafı ümummilli liderimizin gərgin əməyi sayəsində ölkəmizdə yaradılmış sabitliyin nəticəsidir.
Daxili işlər naziri, general-polkovnik Ramil Usubov mərasim iştrakçılarına Azərbaycan Prezidenti İlham Əliyevin təbrikini çatdırmışdır. O, yanğın təhlükəsizliyi xidmətinin daxili işlər orqanlarında vacib və zəruri strukturlardan olduğunu qeyd edərək, xidmətin şəxsi heyətini peşə bayramı münasibətilə təbrik etmiş, xidmətdə yeni uğurlar diləmişdir.
Daha sonra nazir xidmətdə fərqlənən əməkdaşlara yeni rütbələr təqdim etmişdir.
