Yaponiya Olimpiya Komitəsinin prezidenti iyunda vəzifəsini tərk edəcəyini elan edib
Tokio, 20 mart, AZƏRTAC
Yaponiya Olimpiya Komitəsinin prezidenti iyunda vəzifəsini tərk etmək niyyətində olduğunu elan edib.
AZƏRTAC xəbər verir ki, martın 19-da Tsunekazu Takeda iyunda səlahiyyət müddəti başa çatdıqdan sonra vəzifəsini tərk edəcəyini bildirib. O, bu barədə bəyanatla 2020-ci ildə keçiriləcək Olimpiya Oyunları üçün Tokionun seçilməsi barədə fransız müstəntiqlərin apardıqları təhqiqat fonunda qərar qəbul edib. Fransanın hakimiyyət orqanları T.Takedanı 2013-cü ildə bir Sinqapur şirkətinə 2 milyon dollara yaxın pul köçürülməsində iştirakda şübhəli bilir.
Qeyd edilir ki, həmin şirkət Oyunların mərkəzi kimi Tokionun seçilməsində şübhəli bilinən Beynəlxalq Olimpiya Komitəsinin sabiq üzvünün oğlu ilə əlaqələndirilir.
T.Takeda isə bu halda heç bir qanun pozuntusuna yol verilmədiyində təkid edir.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
