YAPONİYA POLİSİ 5 MİLYON YENİ QAYTARMIŞDIR
AZƏRTAC-ın İTAR-TASS agentliyindən aldığı xəbərə görə, Yaponiya polisi Saitama prefekturasının sakininə onun arvadının təsadüfən zibillə birlikdə tulladığı 5 milyon yeni (42 min dollardan artıq) qaytarmışdır. Məlum olmuşdur ki, oğrulardan qorxan 35 yaşlı ev sahibi pullarını zibil torbasında gizlədir və daim yerini dəyişirdi. Nəhayət, o, pullarını tullantılar səbətinə qoymaq qərarına gəlmişdi, çünki orada pul axtarmaq heç kəsin ağlına gəlməzdi. Lakin iş elə gətirmişdi ki, pullar vedrədəki digər tullantılarla birlikdə zibilxanaya atılmışdı.
Bir müddətdən sonra zərərçəkən televiziya ilə sanitariya xidməti işçisinin zibilxanadan pul tapdığı barədə reportaja baxmışdır. O, polisə müraciət edərək, vəsaitin ona məxsus olduğunu sübuta yetirdikdən sonra pullar sahibinə qaytarılmışdır.
Bölmənin digər xəbərləri
