Yaponiyada son beş ildə topdansatış qiymətlərin ən yüksək artımı qeydə alınmışdır
Tokio, 13 noyabr (AZƏRTAC). Yaponiyada oktyabr ayında son beş ildə topdansatış qiymətlərin ən yüksək artımı qeydə alınmışdır. Buna səbəb kimi milli valyuta olan yenin kursunun həddindən artıq aşağı düşməsi və tikinti materiallarının qiymətinin artması göstərilir.
Noyabrın 13-də Yaponiya Bankı bildirmişdir ki, sentyabrdan bəri korporativ əmtəələrin qiymət indeksi 2,5 faiz yüksəlmişdir və bu, əvvəlki illə müqayisədə yeddi ay ərzində fasiləsiz artım deməkdir.
Bankın nümayəndələrinin dediyinə görə, nəzərdən keçirilmiş 820 məhsuldan 365-nin qiyməti ötən illə müqayisədə artmışdır. Tələbin artması nəticəsində avtomobillərin qiyməti də bahalaşmaqda davam edir.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
