Yaponiyanın cənub-şərqində 4,9 bal gücündə zəlzələ olub
Tokio, 11 may, AZƏRTAC
Mayın 11-də Yaponiyanın cənub-şərqində yerləşən Kyüşü və Şikoku adaları rayonunda 4,9 bal gücündə zəlzələ baş verib.
AZƏRTAC xəbər verir ki, bu barədə Yaponiya Meteorologiya Agentliyi məlumat yayıb.
Yeraltı təkanların episentri dənizdə, Kyüşü və Şikoku adaları arasında, ocağı 40 kilometr dərinlikdə yerləşib.
Zəlzələnin yaratdığı təkanlar Ehime və Şikoku prefekturaları daxil olmaqla, ümumilikdə 14 prefekturada hiss olunub. Dağıntılar və zərərçəkənlər barədə məlumat verilmir. Sunami xəbərdarlığı elan edilməyib.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
