YAPONİYANIN HƏR ON SAKİNİNDƏN BİRİNİN YAŞI 75-DƏN ÇOXDUR
AZƏRTAC xəbər verir ki, Yaponiyanın hər on sakinindən birinin yaşı 75-dən çoxdur.
Yaponiyada yaşı 75-i ötmüş vətəndaşlar avtomatik olaraq tibbi yardıma ehtiyacı olanlar kateqoriyasına aid edilirlər. Ötən ilin oktyabr ayı üçün həmin adamların sayı 12,7 milyon nəfər idi. Bu, əhalinin ümumi sayının 9,9 faizini təşkil edir ki, bu da hökumətin müntəzəm surətdə belə statistika aparmağa başladığı 1950-ci ildən bəri ən yüksək göstəricidir. Ahıl vətəndaşlar ən çox qərb prefekturası Simanedə (15,4 faiz), ən az isə Tokioya bitişik olan Saytama prefekturasında (7 faiz) yaşayırlar. 47 prefekturadan altısında yaşı 75-dən yuxarı pensiyaçıların sayı 14 yaşınadək uşaqların sayından çoxdur.
Yaponiya əhalisinin ümumi sayı 125 milyon 580 min nəfərdir. Tokionun əhalisi bir il ərzində təqribən 100 min nəfər artmışdır. Nəticədə ölkə əhalisinin 10 faizindən çoxu paytaxtda yaşayır.
Bölmənin digər xəbərləri
