YENİ SORTLAR DÖVLƏT REYESTRİNƏ DAXİL EDİLMİŞDİR

04.05.2008 [01:27]
Çap et
A⁺ A^-

AZƏRTAC xəbər verir ki, Seleksiya Nailiyyətlərinin Sınağı və Mühafizəsi üzrə Dövlət Komissiyası dənli bitkilərin, kartof və pambığın yeni sortlarını Dövlət Reyestrinə daxil etmişdir. “Baharlı”, “Zaqatala-420”, “Arzu” adlanan həmin sortlar yüksək məhsuldarlığı, xəstəlik və ziyanvericilərə davamlığı ilə əvvəlkilərdən fərqlənir.

Rusiyanın Krasnodar bölgəsindən gətirilmiş “Faktor” və “Kroşka” payızlıq yumşaq buğda sortları da bundan sonra respublikamızın dəmyə torpaqlarında əkiləcəkdir. Yeni sortlardan Böyük və Kiçik Qafqazın alçaq dağlıq sahələrində, Kür boyu ərazilərdə, habelə Şirvan və Qarabağın suvarılan torpaqlarında yüksək məhsuldarlıq əldə edilə bilər.

“Gəncə-110” yeni pambıq sortu Salyan rayonunda sınaqdan keçirilərkən hər hektardan 27,3 sentner məhsul götürülmüş, pambığın mahlıc çıxımı 36,9 faiz olmuşdur.

Dövlət Komissiyasının sədri Fazil Paşayev bildirmişdir ki, respublikamızın seleksiyaçıları indi öz səylərini ölkəmizdə ərzaq təhlükəsizliyini təmin etmək, yerli imkanlar hesabına taxıl istehsalını artırmaq, kifayət qədər buğda ehtiyatı yaratmağa yönəltmişlər.

YENİ SORTLAR DÖVLƏT REYESTRİNƏ DAXİL EDİLMİŞDİR

MÜƏLLİFLƏ ƏLAQƏ

Bölmənin digər xəbərləri