YEVLAXDA ULU ÖNDƏRİN 85 İLLİK YUBİLEYİNƏ HƏSR OLUNMUŞ KONSERT
AZƏRTAC xəbər verir ki, Yevlax şəhərində ümummilli lider Heydər Əliyevin 85 illik yubileyinə həsr olunmuş konsert keçirilmişdir.
Azərbaycan Televiziya və Radio Yayımları Şirkəti və Yevlax Şəhər İcra Hakimiyyətinin birgə təşkil etdikləri konsert Heydər Əliyev adına Sarayın qarşısında quraşdırılmış monitorlarda ulu öndərin Yevlaxa səfərlərini əks etdirən videomaterialların nümayişi ilə başlanmışdır.
Konsertdə əməkdar artistlər Aygün Bəylər, Mətanət İsgəndərli, müğənnilərdən Elza Seyidcahan, Vaqif Şıxəliyev, Eldar Ələkbərov, “Natiq” ritm qrupu, “Şeron” qrupu bir-birindən gözəl mahnılar ifa etmişlər. Xalq artistləri Aftandil İsrafilovun, Ağadadaş Ağayevin, müğənnilərdən Könül Kərimovanın, Cabbar Musayevin, “Muğam Televiziya Müsabiqəsi -2005”in qalibləri Babək Niftəliyevin, İlkin Əhmədovun və Təyyar Bayramovun çıxışları hərarətlə qarşılanmışdır.
Konsert atəşfəşanlıqla sona çatmışdır.
Bölmənin digər xəbərləri
