YOL-NƏQLİYYAT HADİSƏLƏRİ İKİ NƏFƏRİN ÖLÜMÜNƏ SƏBƏB OLMUŞDUR
Daxili İşlər Nazirliyinin mətbuat xidmətindən AZƏRTAC-a bildirmişlər ki, iyunun 1-də İsmayıllı rayonunun Sumağallı kəndi ərazisində Mingəçevir şəhər sakini Şahin Zeynalov idarə etdiyi “Mercedes” markalı avtomaşını aşırmışdır.
Yol qəzası nəticəsində sərnişinlərdən - Bakı şəhər sakini Səbinə Qasımova hadisə yerində ölmüş, xəsarət almış bacısı Esmira və Bakı şəhər sakini Rauf Səfərli isə xəstəxanaya yerləşdirilmişlər.
Salyan rayonunun Yenikənd kəndi ərazisində Masallı rayon sakini Vahid İbadovun idarə etdiyi “KamAZ” markalı və Əliyar Salahovun idarə etdiyi “VAZ-2106” markalı avtomaşınlar toqquşmuşdur.
Hadisə zamanı “Jiquli”nin sərnişinlərindən Tahir Kərimov yerindəcə ölmüş, xəsarət almış Ə.Salahov və Nəsib Qasımov isə xəstəxanaya yerləşdirilmişlər.
Qobustan rayonunun Yekəxana kəndi ərazisində Gürcüstan vətəndaşı İmran Eyvazovun idarə etdiyi “Hundai” markalı və Şamaxı rayon sakini Pərviz Azayevin idarə etdiyi “VAZ-2107” markalı avtomaşınlar toqquşmuşdur.
Xəsarət almış “Jiquli”nin sürücüsü və sərnişinləri, Şamaxı rayon sakinləri Bəhlul Əlosmanov, arvadı Gülçöhrə və oğlu Nicat xəstəxanaya yerləşdirilmişlər.
Faktlarla bağlı araşdırmalar aparılır.
Bölmənin digər xəbərləri
