YOL-NƏQLİYYAT QƏZASI ÜÇ NƏFƏRİN ÖLÜMÜ İLƏ NƏTİCƏLƏNMİŞDİR

26.04.2006 [21:10]
Çap et
A⁺ A^-

AZƏRTAC xəbər verir ki, paytaxtın Nərimanov rayonundakı F.Xoyski küçəsində Badamdar qəsəbə sakini Ceyhun Cabilov “Volswagen” markalı avtomaşınla Zəngilan rayon sakini Elman Qasımovu vurmuşdur. Nəticədə, xəsarətlə xəstəxanaya aparılmış E.Qasımovun həyatını xilas etmək mümkün olmamışdır.

Ağcabədi rayonunun Xocavənd kəndi ərazisində isə Hüsülü kənd sakini Əli Quliyevin idarə etdiyi “VAZ-2106” və Xocavənd rayon sakini Asif Məmmədova məxsus “VAZ-21011” markalı avtomaşınlar toqquşmuşdur. Nəticədə, sərnişin, Xocavənd rayon sakini Mənsur Məmmədli hadisə yerindəcə keçinmiş, xəsarət almış hər iki sürücü və digər sərnişinlər Cavid Quliyev, Eldəniz Məmmədov, Xumar Məmmədova və Aynur Məmmədli xəstəxanaya yerləşdirilmişlər. C.Quliyev və A.Məmmədli orada ölmüş, digərlərinin vəziyyəti isə orta-ağırdır.

Hər iki faktla bağlı cinayət işi açılmışdır, araşdırma aparılır.