ZAQATALADA KİTAB BAYRAMI
AZƏRTAC-ın müxbiri xəbər verir ki, Mədəniyyət və Turizm Nazirliyinin təşəbbüsü ilə respublikamızın şəhər rayonlarında ümummilli lider Heydər Əliyevin anadan olmasının 85 illik yubileyinə həsr olunmuş kitab bayramları keçirilir.
Zaqatala şəhərində keçirilən bayramda Rayon İcra Hakimiyyətinin başçısı Asif Əsgərov kitabsevərləri təbrik etmiş, bilik mənbəyi olan kitabın daha geniş təbliğində belə tədbirlərin əhəmiyyətli olduğunu bildirmişdir. O, kitabxanaların fondlarının zənginləşdirilməsində Prezident İlham Əliyevin “Azərbaycan dilində latın qrafikası ilə kütləvi nəşrlərin həyata keçirilməsi haqqında” Sərəncamının əhəmiyyətini vurğulamış, gənclərə Azərbaycan klassiklərinin, dünya ədəbiyyatının görkəmli nümayəndələrinın əsərlərini daha çox oxumağı tövsiyə etmişdir.
Rayon mərkəzləşdirilmiş kitabxana sisteminin direktoru Gülnigar Məmmədova dövlət başçısının həmin Sərəncamından sonra rayona 60 min nüsxədən artıq latın qrafikalı ədəbiyyatın gətirildiyini xatırlatmış, bayramın kitabın daha geniş təbliğinə nail olmaq, habelə əhalinin, xüsusilə də uşaq və gənclərin kitaba marağını artırmaq məqsədi daşıdığını bildirmişdir.
Sonra iştirakçılar meydanda təşkil edilmiş zəngin kitab sərgisi ilə tanış olmuşlar.
Bölmənin digər xəbərləri
