Zinəddin Zidan yenidən “Real Madrid” klubunun baş məşqçisi təyin olunub
Bakı, 11 mart, Nicat Məmmədov, AZƏRTAC
İspaniyanın “Real Madrid” klubu sabiq baş məşqçisi Zinəddin Zidanı geri qaytarıb.
AZƏRTAC klubun rəsmi “Twitter” səhifəsinə istinadla xəbər verir ki, qərar Madrid təmsilçisinin idarə heyətinin iclasından sonra elan edilib.
Fransalı mütəxəssisin rəhbərliyi ilə ilk məşq martın 12-də və ya 13-də nəzərdə tutulur.
Zinəddin Zidan 2016-2018-ci illərdə “Real Madrid”ə rəhbərlik edib. “Kral klubu” onun rəhbərliyi ilə ardıcıl üç dəfə UEFA Çempionlar Liqasının və bir dəfə İspaniya La Liqasının qalibi olub. Hazırda “Real Madrid” 27 turdan sonra 51 xalla üçüncü pillədə qərarlaşıb.
Bölmənin digər xəbərləri
