“Zirə” klubunun prezidenti vəzifəsindən ayrılıb
Bakı, 9 avqust, AZƏRTAC
“Zirə” futbol klubunun prezidenti Vüqar Astanov vəzifəsindən ayrılıb.
AZƏRTAC xəbər verir ki, klub təsisçilərinə müraciət edən V.Astanov işlərinin çoxluğu ilə əlaqədar vəzifəsindən ayrılmaq istədiyini bildirib.
Hazırda “Zirə”də prezident vəzifəsini müvəqqəti olaraq, icraçı direktor Natiq İsmayılov yerinə yetirəcək. “Zirə” tərəfindən klubun inkişafında və qazandığı uğurlarda böyük əməyi keçən V.Astanova gördüyü işlərə görə təşəkkür edilib, ona uğurlar arzulanıb.
Qeyd edək ki, “Zirə” ötən mövsüm Azərbaycan Premyer Liqasının gümüş mükafatçısı olub.
Bölmənin digər xəbərləri
