Zirəddin Cəfərov: Xocalı soyqırımı bəşər tarixində görünməmiş qətliamdır
Bakı, 26 fevral, Həsrət Mahmudova, AZƏRTAC
Xocalı soyqırımı bəşər tarixində insanlıq əleyhinə yönəlmiş ən dəhşətli və amansız cinayətlərdən biridir.
Bunu Xocalı faciəsinin 25-ci ildönümü ilə əlaqədar fevralın 26-da Bakıda keçirilən ümumxalq yürüşünün iştirakçısı, “Azərbaycan” nəşriyyatının əməkdaşı Zirəddin Cəfərov AZƏRTAC-a müsahibəsində deyib.
O bildirib ki, erməni quldurları keçmiş sovet ordusunun Xankəndi şəhərində yerləşən 366-cı motoatıcı alayının zirehli texnikası və hərbi heyətinin köməyi ilə heç bir dövlətə və millətə ərazi iddiası olmayan xalqa qarşı öz ata-baba yurdunda soyqırımı törədiblər. Qoca, cavan, qadın, uşaq demədən, hər kəsi qətlə yetiriblər. Bu, bəşəriyyət tarixində görünməmiş qətliamdır. Ümid edirik ki, bu qanlı qırğını törədənlər tezliklə layiqli cəzalarını alacaqlar. Xocalı şəhidlərinin xatirəsi Azərbaycan xalqının qəlbində daim yaşayacaq.
Bölmənin digər xəbərləri
