142 Çağrı Mərkəzi bu ay 165 min müraciəti cavablandırıb
Bakı, 30 aprel, AZƏRTAC
Əmək və Əhalinin Sosial Müdafiəsi Nazirliyinin 142 Çağrı Mərkəzi gücləndirilmiş iş rejimində fəaliyyət göstərir.
Nazirliyin İctimaiyyətlə əlaqələr və kommunikasiya şöbəsindən AZƏRTAC-a bildiriblər ki, təkcə aprel ayında 142 Çağrı Mərkəzi tərəfindən vətəndaşların 165 mindən çox müraciəti cavablandırılıb. Müraciətlər sosial dəstək tədbirləri, həmçinin əmək, məşğulluq, sosial müdafiə, tibbi-sosial reabilitasiya və s. məsələlərlə bağlı olub.
Zənglər saat 9:00-dan 00:00-a kimi 100 operator tərəfindən cavablandırılır.
Bölmənin digər xəbərləri
