14-15 YAŞLILARDAN İBARƏT “NEFTÇİ” FUTBOL KOMANDASI BEYNƏLXALQ TURNİRƏ HAZIRLAŞIR

06.08.2006 [00:57]
Çap et
A⁺ A^-

AZƏRTAC xəbər verir ki, avqustun 25-30-da Dnepropetrovsk şəhərində Ukraynanın milli bayramı - Müstəqillik Günü münasibətilə 1991-1992-ci il təvəllüdlü yeniyetmə futbolçular arasında beynəlxalq turnir keçiriləcəkdir. Yarışmada Azərbaycan, Ukrayna, Rusiya və Belarusun tanınmış futbol klublarının nəzdində fəaliyyət göstərən yeniyetmələrdən ibarət komandalar iştirak edəcəklər.

Bu turnirdə Azərbaycanın idman şərəfini “Neftçi” klubunun 14-15 yaşlı futbolçuları qoruyacaqlar. Hazırda komanda İslam Kərimovun rəhbərliyi ilə “Şəfa” stadionunda təlim-məşq toplanışında iştirak edir.

Xatırladaq ki, turnir 12 komandanın iştirakı ilə iki yarımqrupda keçiriləcək. “A” qrupunda yer alan “Neftçi” komandası “Dnepr” (Dnepropetrovsk), “Çernomorets” (Odessa), “Metallist” (Xarkov), “Dinamo” (Kiyev) və “Şaxtyor” (Donetsk) klubları ilə qarşılaşacaqdır.

“B” qrupunda isə Rusiya və Belarus komandaları yarışacaqlar.