1 İYUN - UŞAQLARI BEYNƏLXALQ MÜDAFİƏ GÜNÜNƏ HƏSR OLUNMUŞ SƏRGİ AÇILMIŞDIR
AZƏRTAC xəbər verir ki, mayın 30-da Muzey Mərkəzində Mədəniyyət və Turizm Nazirliyinin təşkilatçılığı ilə istedadlı şagirdlərin 1 iyun- Uşaqları Beynəlxalq Müdafiə Gününə həsr olunmuş rəsm işlərindən ibarət sərgi açılmışdır.
Mədəniyyət və Turizm nazirinin müavini Sevda Məmmədəliyeva çıxış edərək əlamətdar günün qeyd olunmasının əhəmiyyətindən, ölkəmizdə istedadlı uşaqlara göstərilən dövlət qayğısından danışmışdır.
Natiq bildirmişdir ki, sərgidə nümayiş olunan rəsmlər bir sıra xarici ölkələrdə də nümayiş etdirilmiş, müxtəlif diplom və mükafatlara layiq görülmüşdür.
Tədbirdə Bülbül adına orta ixtisas musiqi məktəbinin uşaq xor kapellası çıxış etmişdir.
Sərgidə bir sıra rəssamlıq və incəsənət məktəbləri şagirdlərinin müxtəlif mövzular üzrə çəkdikləri yüzə yaxın rəsm işi nümayiş etdirilir.
Sərgi mayın 31-dək davam edəcəkdir.
Bölmənin digər xəbərləri
