2020-Cİ İL YAY OLİMPİYA OYUNLARININ KEÇİRİLMƏSİ ÜÇÜN BAKININ NAMİZDƏLİYİ YENİDƏN İRƏLİ SÜRÜLƏCƏK
AZƏRTAC xəbər verir ki, gənclər və idman naziri Azad Rəhimov Pekin Olimpiya oyunlarının yekunları, Azərbaycan idmançılarının qazandığı uğurlar, habelə, yaxın gələcəkdə görüləcək işlər barədə sentyabrın 3-də keçirdiyi mətbuat konfransında danışmışdır.
Olimpiadanın yüksək səviyyədə təşkil olunduğunu bildirən A.Rəhimov, belə mötəbər yarışların keçirilməsində müəyyən təcrübə qazanıldığını söyləmişdir. Nazir demişdir ki, Bakı 2016-c il Olimpiya oyunlarını keçirmək üçün mübarizədə uduzsada, 2020-ci il Olimpiadasına namizədliyini irəli sürəcək və bu istiqamətdə işlər davam edəcəkdir.
Nazir Azərbaycan idmançılarına Pekində ən yüksək şəraitin yaradıldığını söyləyərək, ümumilikdə yarışların ölkəmiz üçün uğurlu olduğunu bildirmişdir. Olimpiya oyunları yığmamız üçün yüksək nailiyyətləri ilə yanaşı, əldən buraxılmış imkanlarla da yadda qaldı. Medala layiq olan bir neçə idmançımız mükafatlardan kənarda qaldı, bəziləri isə daha yüksək nəticələr qazana bilərdilər.
Nazir Londonda keçiriləcək növbəti Olimpiya oyunlarına hazırlığa başlamağın vacibliyini vurğulayaraq, Azərbaycanın bu yarışlarda qılıncoynatma, avarçəkmə, atletika və idmanın digər növlərində yüksək səviyyədə təmsil olunacağını istisna etmədi.
Bölmənin digər xəbərləri
