2021-2022-ci tədris ili üzrə peşə məktəblərinə qəbul planı artırılıb
Bakı, 10 avqust, AZƏRTAC
2021-2022-ci tədris ili üzrə peşə məktəblərinə qəbul planı 9,6 faiz artırılıb.
AZƏRTAC xəbər verir ki, bu barədə peşə təhsili müəssisələrinə tələbə qəbulu ilə bağlı mətbuat konfransında Peşə Təhsili üzrə Dövlət Agentliyinin direktor müavini Ceyhun Kərəmov məlumat verib. O bildirib ki, builki qəbulda peşə təhsili üzrə 4, yüksək texniki peşə təhsili üzrə isə 15 yeni ixtisas əlavə olunub. Ümumilikdə bu tədris ilində peşə məktəblərinə qəbul üçün 21 min 260 yer ayrılıb. Tələbə qəbulu 66 peşə məktəbində 120 ixtisas üzrə aparılacaq.
Xatırladaq ki, avqustun 10-dan 2021-2022-ci tədris ili üzrə peşə təhsili müəssisələrinə tələbə qəbuluna start verilir. Tələbə qəbulu elektron aparılacaq və avqustun 20-dək davam edəcək. Peşə təhsili almaq istəyənlər portal.edu.az vasitəsilə qeydiyyatdan keçə bilərlər.
Bölmənin digər xəbərləri
