Marketlərə çörək payladığı avtomobillə narkotiklərin dövriyyəsini təşkil edən şəxs saxlanılıb VİDEO
Bakı, 5 iyun, AZƏRTAC
Daxili İşlər Nazirliyinin (DİN) Baş Narkotiklərlə Mübarizə İdarəsinin əməkdaşları tərəfindən Xəzər rayonunda keçirilən növbəti əməliyyat tədbirləri zamanı 37 yaşlı Bəhruz Şükürov tutulub.
DİN-in mətbuat xidmətindən AZƏRTAC-a verilən məlumata görə, onun evindən 14 kiloqram tərkibinə zərərli maddələr əlavə edilmiş marixuana aşkarlanıb. Saxlanılan şəxs kamuflaj olunmaq məqsədi ilə mağazalara çörək daşıdığı avtomobili ilə narkotiklərin ünvanlara çatdırılmasını təşkil edib.
Bəhruz Şükürov ifadəsində narkotik vasitələri şəxsiyyəti istintaqla araşdırılan İran vətəndaşı vasitəsilə Qaradağ rayonu ərazisindən götürdüyünü və ayrı-ayrı ünvanlara çatdıraraq maddi qazanc əldə etmək niyyətində olduğunu bildirib.
Faktla bağlı cinayət işi başlanılıb. Saxlanılan şəxs barəsində həbs qətimkan tədbiri seçilib.
Bölmənin digər xəbərləri
