Şirvanda dələduzluq edən şəxs saxlanılıb VİDEO
Şirvan, 23 iyun, Aydın Yavərzadə AZƏRTAC
Vətəndaşların etibarından sui-istifadə edərək onlara qarşı dələduzluq edən Göygöl rayon sakini, 61 yaşlı Altay İsmayılov Şirvan Şəhər Polis Şöbəsinin əməkdaşları tərəfindən saxlanılıb.
AZƏRTAC-ın bölgə müxbiri xəbər verir ki, adı çəkilən şəxs vətəndaşlara dövlət qurumlarında müxtəlif vəzifələrə işə düzəldəcəyi, eləcə də övladlarını özəl təhsil müəssisələrində təhsil almalarına köməklik göstərəcəyi barədə yalan vədlər verərək, onların müxtəlif məbləğlərdə pulunu dələduzluq yolu ilə ələ keçirib.
Faktla bağlı cinayət işi başlanılıb, saxlanılan şəxs barəsində həbs qətimkan tədbiri seçilib.
A.İsmayılovun qanunsuz əməllərindən zərər çəkmiş başqa şəxslər varsa, bu barədə polisə məlumat verə bilərlər.
Bölmənin digər xəbərləri
