40 METRLİK QAYADAN YIXILAN KİYEVLİ MÖCÜZƏLİ ŞƏKİLDƏ SAĞ QALMIŞDIR
xilasedicilər “mövcud qaydalardan xoşbəxt istisna” adlandırmışlar.
Ukrayna Fövqəladə Hallar Nazirliyinin Krımdakı Baş idarəsindən bildirmişlər ki, zərərçəkən Yalta dağ axtarış dəstəsinə mobil telefonla özü zəng edib demişdir ki, Çatırdağdakı qayadan yıxılmışdır və ayağa dura bilmir.
Xilasedicilər 23 yaşlı gənci dağın zirvəsinə aparan Qırmızı cığırın yaxınlığında tapmışlar. Məlum olmuşdur ki, dağın buz bağlamış çıxıntısında onun ayağı sürüşmüş və daşların üstünə yıxılmışdır. Həkimlər müayinə zamanı beyin silkələnməsi və zədələr aşkar etmiş, lakin onun vəziyyətini qənaətbəxş saymışlar. Xilasedicilərin fikrincə, zərərçəkənin bəxti gətirmişdir, çünki belə hallar adətən faciə ilə nəticələnir.
Bölmənin digər xəbərləri
