Biofizika İnstitutunun əməkdaşı onlayn beynəlxalq elmi-praktik konfransda məruzə edib
Bakı, 18 may, AZƏRTAC
Orenburq Dövlət Universitetinin Tədqiqat Bioelementologiya İnstitutunda “Bioelementlər” V Beynəlxalq elmi-praktik onlayn konfrans keçirilib. Konfransda Biofizika İnstitutunun Ekoloji biofizika laboratoriyasının müdiri, biologiya elmləri doktoru, professor Tokay Hüseynov təşkilat komitəsinin üzvü qismində iştirak edib.
İnstitutdan AZƏRTAC-a bildirilib ki, Tokay Hüseynov “İnsanın ayrılmış eritrositlərində natrium nitrit və natrium selenitin oksidləşdirici qarşılıqlı təsirinin qatılıqdan asılılıq xüsusiyyətləri” mövzusunda məruzəsi də dinlənilib. O, məruzəsində rəhbərlik etdiyi laboratoriyada qan hüceyrələrinin antioksidant qorunması və bütövlükdə orqanizmdə immunitetin qorunması proseslərində selenin əsas rolunun aydınlaşdırılması ilə bağlı görülən işlərdən danışıb, mövzu ilə əlaqədar sualları cavablandırıb.
Bölmənin digər xəbərləri
