FHN Nabranda itən və sonradan tapılan azyaşlı ilə bağlı məlumat yayıb
Bakı, 23 iyul, AZƏRTAC
Fövqəladə Hallar Nazirliyi (FHN) Xaçmaz rayonunun Nabran qəsəbəsində itkin düşən və sonradan tapılan azyaşlı ilə bağlı məlumat yayıb.
FHN-dən AZƏRTAC-a bildiriblər ki, məlumatda iyulun 22-də Xaçmaz rayonunun Nabran qəsəbəsində naməlum şəraitdə itkin düşmüş 2015-ci il təvəllüdlü Novruzov İsmayıl Elçin oğlunun axtarışlarının başa çatdığı, onun axtarış aparılan ərazidə tapılaraq aidiyyəti üzrə təhvil verildiyi qeyd olunub.
Qeyd edilib ki, axtarışlara FHN-in Şimal Regional Mərkəzinin, Mülki Müdafiə Qoşunlarının, Kiçikhəcmli Gəmilərə Nəzarət və Sularda Xilasetmə Dövlət Xidmətinin, Xüsusi Riskli Xilasetmə Xidmətinin şəxsi heyəti və xüsusi təlim keçmiş itləri, Aviasiya dəstəsinin “Mi-17” helikopteri (ümumilikdə 85 nəfər), habelə Dövlət Sərhəd Xidmətinin şəxsi heyəti və xüsusi təlim keçmiş itləri, Ekologiya və Təbii Sərvətlər Nazirliyinin Meşə Təsərrüfatı İdarəsinin əməkdaşları və könüllülər cəlb olunub.
Bölmənin digər xəbərləri
