REGİONLAR


Gəncədə “Tariximizi tarix yazanlar danışsın” adlı layihə start götürüb

Gəncə, 20 oktyabr, Elcan Məmmədov, AZƏRTAC

Vətən müharibəsi Zəfərinin ildönümü münasibətilə “Qarabağ Əlilləri və Veteranları” İctimai Birliyinin Gəncə şəhər şöbəsinin təşəbbüsü və Gəncə şəhər Təhsil İdarəsinin dəstəyi ilə Gəncə şəhərində “Tariximizi tarix yazanlar danışsın” adlı layihə həyata keçilir.

AZƏRTAC-ın bölgə müxbiri xəbər verir ki, layihənin məqsədi işğaldan azad olunan rayonların ildönümü tarixində Gəncə şəhərində yerləşən bir neçə məktəbdə həmin gün tarix dərsini rayonun işğaldan azad olunmasında iştirak edən qazilərin keçməsidir.

İlk tarix dərsini Zəngilan rayonunun işğaldan azad olunmasının ildönümü münasibətilə oktyabrın 20-də Gəncə şəhərinin 12 və 14 saylı məktəblərində qazilər Xaliq Bayramov və İdris Yolçuyev keçiblər. Onlar döyüş yollarından danışıb və şagirdlərə Zəfər tarixi barədə ətraflı məlumat veriblər.

Dərs şagirdlərin böyük marağına səbəb olub və sual-cavab formasında davam edib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.